ගැහැ­නි­යගේ වැඩ

මට ඇත දරු­වන්, රැක බලා ගන්නට

ඉරුණු ඇඳුම්, මස­න්නට,

ගෙබිම, පිස දම­න්නට,

කන බොන දේ, කඩෙන් ගෙනෙ­න්නට, 

ගෙනා දේ, උය­න්නට,

පවුලේ අය, කව­න්නට, පොව­න්නට,

ගෙවත්ත, වල් උදු­ර­න්නට,

කමීස, මදි­න්නට,

කුඩා වුන්, අන්ද­ව­න්නට,

මේ ගෙපැල, අස්පස් කර­න්නට

ඊළ­ඟට අස­නීප උන්, සාත්තු කර­න්නට

දිලෙන්න මා මත, සූර්යා­ලෝ­කය

වසින්න මා මත, වැස්ස

වැටෙන්න මුදු ලෙස, පිනි බිඳු

සිහිල් කරන්න යළි මා නළ­ලත

කුණා­ටුව, ඔබේ බිහි­සුණු සුළ­ඟින්

ගසා­ගෙන යවන්න මා මෙත­නින්

ඉඩ දෙන්න පාවෙන්න අහස පුරා

නැවත මා විවේ­කය ලබන තුරා 

වැටෙන්න, හීනි­යට හිම පියලි

වසන්න මා,

සුදෝ සුදු, සීතල හාදු­ව­ලින්

ඉඩ දෙන්න සැත­පෙන්න අද රෑ

ඉර, වැස්ස, වක් අහස,

කඳු, සයුරු, කොළ, ගල්,

තරු කැල්ම, සඳ එළිය,

ඔබ සැම පම­ණ­මයි

කිය හැකි මට, මගේම යැයි.

මායා ඇන්ග්ලෝ

පරි­ව­ර්ත­නය - දේ. වි. ගාල්ලගේ