මිනිස් සිරුර අභ්‍යන්තරය දැක බලා ගැනීමේ (විනිවිද දැකීම) හැකියාවක් ඇති 17 හැවිරිදි රුසියානු ළඳක් ජපන් විද්‍යාඥයන් මවිතයට පත්කරවා ඇත. නටාෂා ඩෙම්කිනා (17) තරුණියගේ මෙම විස්මිත හැකියාව තවදුරටත් පරීක්‍ෂා කිරීම සඳහාත් ඇය පිළිබඳ පර්යේෂණ කිරීමටත් ඇයට ලන්ඩනයට හා නිව්යෝර්ක් නුවරට පැමිණෙන ලෙස ආරාධනා ලැබිණි.
විනිවිද දැකීමේ හැකියාවට අමතරව ඇයට යමකු තුළ ඇති ලෙඩ රෝග පිළිබඳ සමහර අවස්ථාවල තොරතුරු කීමටද ඇයට හැකි බව ජපන් විද්‍යාඥයන් පිරිසක් කළ පර්යේෂණයකදී හෙළි විය. නටාෂා සතු බලය මඟින් ගර්භාෂයේ සිටින ළඳරු කලලය පරීක්‍ෂාවට ලක් කිරීමෙන් පවා රෝග විනිශ්චය කළ හැකි බව හෙළිවී ඇත. කෙනකුගේ ඡායාරූප දෙස බලා ඔහු හෝ ඇය සතු රෝගාබාධ කීමේ හැකියාව නටාෂාට ඇත.
